Pīkau 17: Ngā Mātāpono Hoahoa Matihiko

arrow_downward

Ngā Mātāpono Hoahoa

Kōrero Whakamārama:

I tēnei hākoritanga e kōrero ana tātou mō ngā mātāpono hoahoa, ā, me pēhea e tutuki ai ngā hiahia o te kaiwhakamahi? Kia kōrerohia ngā mātāpono hoahoa matihiko ka ui atu, ka tutuki i tēnei hanga ngā hiahia o te kaiwhakamahi? Me he taputapu waru rīwai, āe rānei, kāore rānei e ea i te taputapu nā taua mahi? Āe, heoi anō, e waru ana koe i te nui hoki o te kiko? He rite tonu te whakamahi i ngā mātāpono i a tātou e hoahoa hua matihiko ana. Ka ea i te hua tāna mahi? Ka pēhea te roa kia tutuki i a ia? He māmā rānei te hua te whakamahi? Whakaarohia ēnei momo pātai i a koe e waihanga ana i tētahi whārangi paetukutuku, i tētahi taupānga rānei.

Pāwhiria ngā hononga nei kia tirotiro ki ngā rauemi kua whakaritea me ngā hōtaka ako mō tēnei taumata.

Ngā Mātāpono Hoahoa Matihiko

Kōrero Whakamārama:

I tēnei kauhaurangi ka titiro tātou ki ngā mātāpono hoahoa matihiko me te wāhi ki aua mātāpono i te whakatutukinga o ngā hiahia o te kaiwhakamahi. Ka mārama ki ngā ākonga te ariā o ngā hoahoatanga 'rarata ā-kaiwhakamahi'. E tika ana kia whakaurua tēnei ariā ki te tukanga whitiauau mō te hoahoa, te hanga, te taunaki me te whakamātautau i tētahi papatono rorohiko. He tauira tukanga hoahoa tēnei, e iwa ōna mātāpono.

Pāwhiria te hononga nei kia whai mōhiotanga anō ki tēnei kaupapa.

He Ngohe Pūnaha Tāhūrua

Kōrero Whakamārama:

I tēnei ngohe ka tautoko te kaiako i ngā ākonga ki te mātai i ētahi taupānga ka whakatutuki i ō rātou hiahia mō ā rātou whakaotinga ā-matihiko me te arotake hoki i ngā atanga kaiwhakamahi. Koinei te topenga tuarua o ngā topenga e rima e whakaatu ana i te hoahoatanga, te whanaketanga, te taunakitanga, me ngā mahi whakamātautau i tētahi taupānga ka taea i tētahi horopaki motuhēhē, i tētahi matea rānei o tō rātou hapori.

Ngā Kōkiritanga

E toru ngā kōkiritanga hei whakatinana i ngā akoranga o roto i tēnei pīkau.

  • Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei mō tētahi rauemi tautoko.
  • Ko te tuarua: Kia whai mōhiotanga koe ki ngā rauemi tautoko i ngā hōtaka Taumata Matauranga ā-Motu Ka Taea (NCEA). Pāwhiria ngā hononga nei kia tirotiro ki ngā rauemi kua whakaritea me ngā hōtaka ako mō tēnei taumata.