Pīkau 20: Ngā Aratuka Hoahoa Pūmanawa

arrow_downward

Ngā Aratuka Hoahoa Pūmanawa

Kōrero Whakamārama:

I tēnei hākoritanga e kōrero ana tātou mō ngā aratuka hoahoa pūmanawa, arā, mō te aratuka hoahoa pūmanawa e kīia nei ko te 'agile'. Ko 'moruki' te kupu i tēnei horopaki. He mea whakamahi te aratuka moruki i ngā mahi whakahiato pūmanawa me ngā mahi whakahaere tūmahi hoki. E whai ake nei tētahi tauira.

Ka whakaritea e koe tētahi rārangi mahi, ka tuhia te katoa o ngā mahi me tutuki kātahi ka huri ki te whakaraupapa ā-take matua ngā mahi, ā, ka rite tonu te whakahou i te rārangi. E whakamahia ana te ture '80/20', arā, ka whakatutukihia te 80 ōrau o ngā mahi kātahi ka whakaputaina te hua. Koinei te tānga, te whitiauau tuatahi rānei. I ngā tāngata e whakamahi ana i tēnei tānga, ka mahi tonu koe ki te whakahou i te hua mā te patuiro me te whakaputa whitiauau anō.

Pāwhiria ngā hononga nei kia tirotiro ki ētahi atu o ngā rauemi DT HM:

He Tauira o te Tukanga Whakahiato

Kōrero Whakamārama:

I tēnei kauhaurangi ka titiro tātou ki ngā aratuka e kīia nei ko te 'agile' me te 'waterfall', arā, ko te 'moruki' me te 'wairere', me te arotake i ēnei i tētahi whakamahinga ao tūturu pēnei i te whakahiato taupānga pūmanawa.

Ngā Aratuka Hoahoa Pūmanawa

Kōrero Whakamārama:

I tēnei ngohe ka whakatairite ngā ākonga i ngā aratuka hoahoa pūmanawa e rua. Ko te 'agile' tētahi, ko te 'waterfall' tētahi, arā, ko te 'moruki', ko te 'wairere'. E whakatairitea ana kia pai ake ai te mahi whakahiato, te hoahoa hoki i ā rātou whakaotinga ā-matihiko. Koinei te topenga whakamutunga o ngā topenga e rima e whakaatu ana i te hoahoatanga, te whanaketanga, te taunakitanga, me ngā mahi whakamātautau i tētahi taupānga ka taea i tētahi horopaki motuhēhē, i tētahi matea rānei o tō rātou hapori.

Ngā Kōkiritanga

E toru ngā kōkiritanga hei whakatinana i ngā akoranga o roto i tēnei pīkau.