Pīkau 1: He Whakatakina
Hangarau Matihiko me te Ao Māori
Māui rāua ko Mahuika KIWA from CORE Education Digital Media on Vimeo.
Kōrero Whakamārama
I tēnei kōwae ako, ka kōrerotia e Kiwa Hammond (Ngāti Kahungunu o Te Wairoa, Ngāti Ruapani, Rongowhakaata, Moriori) te pūrākau o Mahuika (Mauhika ki ētahi) rāua ko Māui. Ka whakamōhiotia e ia ētahi o ngā pūmanawa o ia tangata me ngā hononga o aua āhuatanga ki te ihirangi marau o te Hangarau Matihiko.
Hei Whakatōkina ki ngā Kura
Hangarau Matihiko i ngā kura from CORE Education Digital Media on Vimeo.
Kōrero Whakamārama
I tēnei kōwae ako, ka kōrerotia e Tahu Paki (Ngāti Maniapoto, Ngāpuhi), arā, ko te tumuaki tuarua o Te Kura Kaupapa Māori o Te Kura Whakapūmau i te Reo Tūturu ki Waitaha, ngā āhuatanga whakamahi taonga matihiko i tōna kura. Ka kitea ngā ākonga e tuhi papatono ana kia whai o rātou karetao i te ahunga tika. Tirohia te roanga o te kōrero i konei.
Whakaaro Hātepe from Ministry of Education on Vimeo.
Pāwhiria te hononga nei kia whai mōhiotanga ki te pātaka rauemi Hangarau Matihiko kei te paetukutuku o TKI.
Te Tokorima-a-Mahuika
Kōrero Whakamārama
I tēnei kōwae ako ka kōrerotia e Nichole Daly (Te Aitanga-a-Māhaki, Rongomaiwahine) ētahi āhuatanga o te hōtaka Kia Takatū ā-Matihiko tae atu ki te utauta tātari whaiaro, arā, ko Te Tokorima-a-Mahuika. Ka āta kōrerotia ia taumata o te poutama o tēnei utatua tātari me te whakaritenga ki te huahuatau o te ahi.
Ngā Kōkiritanga
Hei Whakatepe from CORE Education Digital Media on Vimeo.
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakaritea tētahi wā ā ngā rā e whitu e heke mai nei hei whakahaere i tētahi ngohe Hangarau Matihiko i tō kura. Pāwhiria te hononga nei mō tētahi rauemi tautoko.
- Ko te tuarua: Kia whakauru atu i ēnei akoranga ki te wātaka hui ā-kaiako, hui ā-whānau rānei. Pāwhiria te hononga nei mō tētahi panahiko me ētahi rauemi tautoko.
- Ko te tuatoru: Kia mōhio mai koutou ko tēnei te tino wero o te rārangi nei.