Pīkau 11: Te Pūnaha Tāhūrua
Te Tāuru me te Tāputa
Kōrero Whakamārama
I tēnei hākoritanga ka kōrero tātou mō ngā tāuru me ngā tāputa, arā, ko ngā āhuatanga o te whakawhitiwhiti mōhiohio a ngā kaiwhakamahi mā te tāuru me te whakawhitiwhiti mōhiohio a te rorohiko mā te tāputa. Ki te aro tātou ki te purei kitā, ka kitea pea ko te mahi raraku te tāuru, ko te oro te tāputa. Ko te tūāhua o ngā matimati o te tangata hei tangiata tētahi tāuru anō. Ka kitea hoki tēnei i tētahi taupānga kitā. Mō tētahi kitā noa, kāore he mahi rorohiko e haere ana, me kī, mā te raraku tonu e puta mai ai te ihirangaranga, nā, he pūnaha ā-ringa noa iho. Mā te taupānga kitā e hua ai te mahi rorohiko, e puta mai ai hoki te tāputa oro. Whakaarohia tētahi tāuru me tētahi tāputa i te ao Māori.
Pāwhiria te hononga nei kia whai mōhiotanga anō ki tēnei kaupapa.
Te Pūnaha Tāhūrua
Kōrero Whakamārama
I tēnei kauhaurangi ka titiro tātou ki te pūnaha tāhūrua. Ko te tāhūrua te tūāpapa o ngā raraunga katoa o ngā rorohiko o ēnei rā. He ngāwari, he iti iho te utu hoki ki te hanga i ngā rorohiko mēnā ka whakaahua i ngā raraunga ki ngā uara rerekē e rua noa iho, ka whakamahia ngā nama 0 me te 1 hei whakaahuahanga i aua uara.
Pāwhiria te hononga nei kia tikiake i tētahi rauemi tuihono.
He Ngohe Pūnaha Tāhūrua
Kōrero Whakamārama
I tēnei ngohe ka hanga rauemi ngā ākonga ki te pūnaha tāhūrua. He moka ngā wāhanga tino iti rawa ka kawe raraunga i roto i ngā pūrere. E rua ngā uara kei ia moka. Mātakitaki mai tēnei akomanga e whakaoti hopanga ana ki ngā nama tāhūrua.
Ngā Kōkiritanga
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei mō tētahi rauemi tautoko.
- Ko te tuarua: Kia whai mōhiotanga koe ki ngā rauemi tautoko hangarau matihiko. Pāwhiria te hononga nei kia tirotiro ki ētahi rauemi kua whakaritea.