Pīkau 18: Ngā Momo Hanganga Raraunga
Hanganga Raraunga
Kōrero Whakamārama
I tēnei hākoritanga e kōrero ana tātou mō te āhua o te hanganga raraunga, arā, mō te whakamau me te rokiroki mōhiohio.
He momo hanganga raraunga ngā mea pēnei i te whakapapa, te waiata me te pūrākau. Tēnā tahuritia ōu whakaaro ki ngā raraunga whutupōro. Ka kitea i aua momo raraunga te nui o ngā rutu, o te pupuri me te mau ki te pōro, ā, ka mārama he ara anō tēnei ki te rokiroki mōhiohio. Heoi anō, e kore tātou e whakamahi i te hanganga raraunga ōrite ki te rokiroki waiata me te rokiroki raraunga whutupōro. Otirā, e wātea ana kia whakaarohia e tātou ētahi ara hanga me te rokiroki raraunga, ā, ko ēhea aratuka e tika ana mō ēhea momo raraunga.
Pāwhiria ngā hononga nei kia tirotiro ki ētahi atu o ngā rauemi DT HM:
Ngā Momo Hanganga Raraunga
Kōrero Whakamārama
I tēnei kauhaurangi ka titiro tātou ki ngā momo hanganga raraunga kei roto i te Python. Ka wetewetea te pai o ētahi o ngā momo hanga, pērā i te 'rārangi' me te 'tikinare' arā, ko te ‘list’, me te ‘dict’, me ngā momo hanganga rākau e whai pānga ana ki te horopaki o te ‘whakapapa’. He āhuatanga matua tēnei i te hanga papatono e taea ana te whakaahua i ngā hononga ki ngā ahanoa o te ao tūturu. Mā te kaiako e ārahi ngā ākonga ki te wānanga i ngā painga me ngā āhuatanga ngoikore hoki o ngā momo hanganga raraunga. Mutu ana, whakatakotoria tētahi taki mā ngā ākonga, kia whanakehia ō rātou pūkenga ki te waehere papatono māmā mō te raweke raraunga.
Pāwhiria te hononga nei kia whai mōhiotanga anō ki tēnei kaupapa.
Te Matapae i ngā Take Whakaotinga ā-Matihiko
Kōrero Whakamārama
I tēnei ngohe ka tautoko te kaiako i ngā ākonga ki te whakawhanake me te whakamātau i ā rātou whakaotinga ā-matihiko kia rite ai mō te ao tūturu. Koinei te topenga tuatoru o ngā topenga e rima e whakaatu ana i te hoahoatanga, te whanaketanga, te taunakitanga, me ngā mahi whakamātautau i tētahi taupānga ka taea i tētahi horopaki motuhēhē, i tētahi matea rānei o tō rātou hapori.
Ngā Kōkiritanga
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei (Hanganga Raraunga) mō tētahi rauemi tautoko.
- Ko te tuarua: Kia whai mōhiotanga koe ki ngā rauemi tautoko i ngā hōtaka Taumata Matauranga ā-Motu Ka Taea (NCEA). Pāwhiria ngā hononga nei kia tirotiro ki ngā rauemi kua whakaritea me ngā hōtaka ako mō tēnei taumata.