Pīkau 4: Hei aha te Hangarau?

Te Tukutanga, te Tepenga, te Tukanga me te Kawekawenga
 

 

Kōrero Whakamārama

I tēnei hākoritanga ka whakamāramatia te tukutanga, te tepenga, te tukanga me te kawekawenga o ngā hangarau matihiko.

He aha ngā momo hangarau e whakamahia ana i tō akomanga i tēnei wā, ā, ka pēhea tāu whakakē i aua whakamahinga?

Whakamahia ai te waea pūkoro ki te whakapā ā-kōrero, te huirangi ā-ataata, me te whakaū rātaka heoi anō, he aha ētahi atu whakamahinga āna?

Kei te tere o tō waea me te nui o ngā kōnae te āhua o ngā tepenga o te hangarau.

Ko te tū o tētahi kiriata i a koe e mātakitaki ana tētahi tauira o ngā tepenga nei. Ko te hōkaiipurangi rānei, ko te tere o tō waea ki te pānui i te kōnae kiriata rānei te tepenga i tēnei tauira.

He aha tana mahi?
 

Kōrero Whakamārama

I tēnei kauhaurangi ka tirohia te wheako ā-kaiwhakamahi, me ngā pāhekohekotanga o te tangata me te rorohiko. Inā kē te nui o ngā taumahi whakaoti mahi a te waea pūkoro pēnei i te pēhi, te pāwhiri, te miri rānei.

Ka pēhea koe e mōhio ki ngā hohenga e tika ana kia tutuki i te waea pūkoro ō hiahia? He aha te putanga ina tutuki? He aha te putanga ki te kore e tutuki? Ka pēhea koe e mōhio ai? Ka aha koe kia pai ai tō waea atu ki tētahi?

Inā hoki te huhua o ngā ara whakatutuki i tō waea. Tērā pea ka rerekē tā tō hoa whakamahinga e ai ki te momo hangarau e whakamahia ana ka tahi, ki tana matatau ki te whakamahi ka rua.

Kia pai ai taku waea atu ki tētahi i tēnei waea ka tuwheratia e au ki te namahipa, ka toro atu ki te taupānga waea me te rapu i te tangata, te patopato rānei i te tauwaea.

He aha ētahi atu ara ka taea e au hei whakatutuki i tēnei mahi? He aha te āhuatanga ka puta i ia hipanga nā reira au ka mōhio kua riwha i au? Mehemea i te whakamahi ahau i tētahi atu waea, he aha ngā hohenga āhua rite ka taea e te waea nā reira au ka mōhio e whakauru ana ahau i te tauwaea tika?

Hei aha te Hangarau?
 

Kōrero Whakamārama

I tēnei ataata ka rāwekeweke a Rosalie rātou ko ngā ākonga i ngā hangarau maha. He hangarau tawhito, he hangarau hou hoki.

Koinei ētahi o ngā pātai ka tūhuratia e rātou:

  • Hei aha te hangarau?
  • He aha āna mahi?
  • He pai, kāore rānei i te pai?
  • He aha ai, he aha hoki i kore ai?

Ka āta matapakina hoki e rātou ngā pāhekohekotanga o te tangata me te hangarau, arā, ngā āhuatanga o te wheako kaiwhakamahi.

Ngā Kōkiritanga
 

 

E toru ngā kōkiritanga hei whakatinana i ngā akoranga o roto i tēnei pīkau.

Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei mō tētahi rauemi tautoko. He aha te whakamahinga o tēnei?

Ko te tuarua: Kia whakauru atu i ēnei akoranga ki te wātaka hui ā-kaiako, hui ā-whānau rānei. Pāwhiria te hononga nei (He aha tana mahi?) mō tētahi panahiko me tētahi rauemi tautoko.