Pīkau 14: Te Reo Hōtuhi-waehere - Python
Te Reo Hōtuhi-waehere
Kōrero Whakamārama
I tēnei hākoritanga ka kōrero tātou mō ngā momo reo hōtuhi-waehere me ngā momo tūāpapa ki te whakamahi i te tuhiwaehere. Ko ngā momo reo papatono e kōrerohia ana ko te Java, Python me te C++ . He aha te reo papatono hōtuhi-waehere? He aha te mahi a ēnei? Ki hea pea ēnei e whakamahia ai? Waihoki, ka pēhea pea aua taupānga tātou e āwhina ai i roto i tēnei ao hurihuri?
Te Reo Hōtuhi-waehere: Python
Kōrero Whakamārama
I tēnei kauhaurangi ka titiro tātou ki te reo hōtuhi-waehere o Python. Ko Python tētahi o ngā reo hōtuhi-waehere e whakamahia whānuitia ana ki te whakaako i ngā pūkenga tuhiwaehere.
Pāwhiria te hōnonga nei kia uru atu ki te paetukutuku kua whakatauiratia.
He Ngohe Reo Hōtuhi-waehere
Kōrero Whakamārama
I tēnei ngohe ka tautoko te kaiako i te ākonga i te tīmatanga o tana ako ki te tuhiwaehere mā te Python. He paetukutuku tuhiwaehere tērā - he utu kore, he ngāwari hoki te whakauru - hei whakaako i te reo papatono.
Ngā Kōkiritanga
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei (Tuhiwaehere mā te Python) mō tētahi rauemi tautoko.
- Ko te tuarua: Kia whai mōhiotanga koe ki ngā rauemi tautoko hangarau matihiko. Pāwhiria te hononga nei mō tētahi rauemi tautoko.