Pīkau 16: Te Waehere Kōpeketanga
Te Waehere Kōpeketanga
Kōrero Whakamārama
I tēnei hākoritanga e kōrero ana tātou mō te waehere kōpeketanga. Ko ētahi o ngā momo waehere kōpeketanga ko te JPEG, te MP3 me te MPEG.
He aha rawa te waehere kōpeketanga, ā, ka pēhea tana whakamahi i ngā hātepe whitiauau? Kia māmā tā tātou mahi, nē? Ki te tirohia e tātou tētahi whakaahua matihiko, e mārama ana tātou e ōrite ana ētahi tae. Ko tā te waehere kōpeketanga he aro ki ngā wāhanga ōrite o tētahi whakaahua matihiko me te kī atu ki te kōnae, "Ehara i te mea me mau i au tērā tae nā te mea koia hoki te tae ki mea wāhi o te whakaahua nei". Kāore āna take waihanga i ngā tohutohu hou mō taua tae. Ka pērāhia te katoa o ngā tae i te whakaahua nā reira ka iti ake te waehere.
Pāwhiria ngā hononga nei kia tirotiro ki ngā rauemi kua whakaritea me ngā hōtaka ako mō tēnei taumata.
Te Kōpeketanga
Kōrero Whakamārama
I tēnei kauhaurangi ka titiro tātou ki te kōpeketanga. Ko tēnei te tūāpapa o te tīpako i ngā momo kōnae e tika ana mō tētahi kaupapa.
Mā te kōpeketanga ka taea te whakaheke i te wāhi rokiroki mō ngā kōnae. Mēnā ka hauruatia te nui o te wāhi mō ia kōnae, ka rearua ngā kōnae e taea ai te rokiroki ki tō rorohiko, taputapu rorohiko rānei.
He Tikanga Tuhiwaehere
Kōrero Whakamārama
I tēnei topenga ngohe ka tūhuratia e ngā ākonga rātou ko te kaiako tētahi whakaotinga ā-matihiko mō te hapori. E aro ana rātou ki tētahi tikanga tuhiwaehere e tautoko ana i te hoahoa papatono. Koinei te topenga tuatahi o ngā topenga e rima, e whakaatu ana i te hoahoatanga, te whanaketanga, te taunakitanga me ngā mahi whakamātautau i tētahi taupānga ka taea i tētahi horopaki motuhēhē, i tētahi matea rānei o tō rātou hapori.
Ngā Kōkiritanga
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei (He Tikanga Tuhiwaehere) mō tētahi rauemi tautoko.
- Ko te tuarua: Kia whai mōhiotanga koe ki ngā rauemi tautoko i ngā hōtaka Taumata Matauranga ā-Motu Ka Taea (NCEA). Pāwhiria ngā hononga nei kia tirotiro ki ngā rauemi kua whakaritea me ngā hōtaka ako mō tēnei taumata.