Pīkau 19: Te Tūhuratanga Tūhāhā me te Tūhuratanga Taupua
Te Tūhuratanga Tūhāhā me te Tūhuratanga Taupua
Kōrero Whakamārama
I tēnei hākoritanga e kōrero ana tātou mō ngā rerekētanga o te tūhuratanga taupua i te tūhuratanga tūhāhā. Mō te tūhuratanga tūhāhā, mā te ākonga anō e whakahaere i tana toro haere i tētahi hopanga. Mō te tūhuratanga taupua, mā te kaiako e taupua te mahi a te ākonga mā te whakamahere i te tukanga me te ārahi i a ia i roto i āna mahi.
Pāwhiria ngā hononga nei kia tirotiro ki ētahi atu o ngā rauemi DT HM:
He Utauta Whakahaere Tūmahi
Kōrero Whakamārama
I tēnei kauhaurangi ka titiro tātou ki ētahi o ngā utauta me ngā tikanga whakahaere tūmahi. He maha ngā momo taupānga rorohiko me ngā pūnaha whakahaere mō ēnei mahi. Heoi anō, ka titiro tātou ki ētahi o ngā āhuatanga o ngā aratuka moruki, arā, ko ngā 'paki ā-kaiwhakamahi' me ngā papa pānui Kanban.
Te Whakahaere Tūmahi
Kōrero Whakamārama
I tēnei ngohe ka tautoko te kaiako i ngā ākonga, ki te whakatau ka pēhea tā rātou whakarite, whakahaere hoki i a rātou anō i te tukanga tūhura kia auaha te waihanga i ā rātou whakaotinga ā-matihiko. Koinei te topenga tuawhā o ngā topenga e rima e whakaatu ana i te hoahoatanga, te whanaketanga, te taunakitanga, me ngā mahi whakamātautau i tētahi taupānga ka taea i tētahi horopaki motuhēhē, i tētahi matea rānei o tō rātou hapori.
Ngā Kōkiritanga
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei mō tētahi rauemi tautoko.
- Ko te tuarua: Kia whai mōhiotanga koe ki ngā rauemi tautoko i ngā hōtaka Taumata Matauranga ā-Motu Ka Taea (NCEA). Pāwhiria ngā hononga nei kia tirotiro ki ngā rauemi kua whakaritea me ngā hōtaka ako mō tēnei taumata.