Pīkau 2: Hangarau Matihiko i te Marautanga o Aotearoa

Hangarau Matihiko i te wāhanga ako Hangarau

 

Hangarau Matihiko i te wāhanga ako Hangarau from CORE Education Digital Media on Vimeo.

Kōrero Whakamārama

I tēnei kōwae ako, ka kōrerotia e Deanne Thomas (Ngāti Kahungunu) te whakapapa o ngā kupu Hangarau me te Hangarau Matihiko. Ka kōrerotia ngā Tupuranga e rua o te Hangarau Matihiko me tō rāua noho tahi i te wāhanga ako Hangarau o Te Marautanga o Aotearoa. Koia rāua ko te Tupuranga Tangata me te Rorohiko me te Tupuranga Whakaaro Rorohiko.

 

 

Pāwhiria ngā hononga i raro nei kia whai mōhiotanga ki te pātaka rauemi o Te Marautanga o Aotearoa me te Wāhanga ako Hangarau kei te paetukutuku o TKI.

 

 

Te Tupuranga Whakaaro Rorohiko
 

Kōrero Whakamārama

I tēnei kōwae ako ka kōrerotia e Piata Allen (Ngāti Kahungunu, Ngāti Apa) ngā ariā matua o te Tupuranga Whakaaro Rorohiko.

Me pēhea te whakamahi i te reo Hangarau Matihiko hei whakaahua rapanga, hei whai otinga, hei waihanga hātepe, hei tuhiwaehere, hei whakaahua raraunga hoki.

E waru ngā whakatupuranga Whakaaro Rorohiko e wetewetehia ana i ngā ariā matua o tēnei tupuranga kia whai māramatanga ki ngā rapanga o te papatono rorohiko matatini me ōna momo hātepe, e whaitake ai te waihanga papatono ki te ao tūturu.

 

Hangarau Matihiko - Whakaaro Rorohiko from Ministry of Education on Vimeo.

Tirohia te roanga o ngā kōrero i konei

 

 

Kua whakairia ngā rauemi me ngā whakamāramatanga mō tēnei tupuranga ki te paetukutuku o TKI. Pāwhiria te hononga i raro nei kia whai māramatanga ki te pātaka rauemi Hangarau Matihiko.

Te Tupuranga Tangata me te Rorohiko
 

Te Tupuranga Tangata me te Rorohiko from CORE Education Digital Media on Vimeo.

Kōrero Whakamārama

I tēnei kōwae ako ka korerotia e Matua Ruawhitu Pokaia (Tainui, Maniapoto) o Te Kura Kaupapa Māori o Te Kura Whakapūmau i te Reo Tūturu ki Waitaha ētahi āhuatanga e pā ana ki te whakaako i te Tupuranga Tangata me te Rorohiko me te hononga o te ihirangi marau ki te pūrakau mō Māui rāua ko Mahuika. Ko te pūtake o tēnei Tupuranga ko te waihanga otinga matihiko me te aro atu ki ngā haepapa kirirarau matihiko.

 

 

E rima ōna whakatupuranga e whakatau ana i ngā tikanga me ngā mātāpono ki te whakahaere tūmahi e tū ai hei kirirarau matihiko.

 

 

Pāwhiria te hononga nei kia whai mōhiotanga ki te pātaka rauemi Hangarau Matihiko kei te paetukutuku o TKI.

Ngā Kōkiritanga
 


Pīkau 2- Hei Whakatepe from CORE Education Digital Media on Vimeo.

E toru ngā kōkiritanga hei whakatinana i ngā akoranga o roto i tēnei pīkau.

  • Ko te tuatahi: Kia whakaritea tētahi wā ā ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei (Ngohe: He Muku Tangata) mō tētahi rauemi tautoko.
  • Ko te tuarua: Kia whakauru atu i ēnei akoranga ki te wātaka hui ā-kaiako, hui ā-whānau rānei. Pāwhiria ngā hononga nei mō tētahi panahiko (Te Marautanga o Aotearoa) me tētahi rauemi tautoko (Ngohe: He Muku Tangata).
  • Ko te tuatoru: Kia mōhio mai koutou ko tēnei te tino wero o te rārangi nei.