Pīkau 8: He Koromeke
Te Hātepe me te Papatono
Kōrero Whakamārama
I tēnei hākoritanga, ka whakamārama a Matu i te rerekētanga o te hātepe me te papatono.
Ko te hātepe tētahi raupapa o ngā tono, ngā tohutohu rānei, hei whakaoti i tētahi hopanga, arā, hei whakaoti i tētahi mahi. Ko ngā tono i tuhia ki roto i te rorohiko - ka kīia tērā he papatono.
He Koromeke
Kōrero Whakamārama
I te ataata e whai mai ana, ka whakamārama a Matu ka pēhea te mahi i tēnei mea te koromeke ki tētahi o ngā ngohe o Code.org.
Pāwhiria te hononga nei kia hono ki te ngohe ki Code.org
Whakapakari Tinana Momotu
Kōrero Whakamārama
I tēnei ataata ka ako ngā tamariki ki te tuhiwaehere, ki te whakamahi hoki i ngā koromeke. He ngohe momotu tēnei e whakaako ana i te 'whakaaro rorohiko' i ngā mahi whakapakari tinana.
Ētahi o ngā kupu hou ko te: koromeke, tarawhiti hula, tōaitia, waehere, papatono.
Ngā Kōkiritanga
E toru ngā kōkiritanga hei whakatinana i ngā akoranga o roto i tēnei pīkau.
- Ko te tuatahi: Kia whakarite wā i ngā rā e whitu e heke mai nei hei whakahaere i tētahi ngohe hangarau matihiko i tō kura. Pāwhiria te hononga nei mō tētahi rauemi tautoko. (Whakapakari Tinana Rorohiko Kore)
- Ko te tuarua: Waihangatia tētahi pūkete kaiako ki Code.org. Pāwhiria te hononga nei (Ngā tohutohu mō te waihanga pūkete ki Code.org) mō ngā tohutohu hei āwhina i a koe.